Íslendingafélagið heldur jólball á þriðja í jólum sunnudaginn 27. desember kl. 14:00. Jólaballið verður í kantínunni í VIA skólanum v/ Chr. M. Østergaardsvej 4 hér í Horsens. Gengið er inn um aðalinnganginn sem er í stóru glerbyggingunni inn á milli húsana milli blokk D og E.

Jólasveinarnir mæta á staðinn og skemmta börnunum og verður dansað í kringum jólatréð. Vonandi sjá sem flestir sér fært að mæta og eiga skemmtilegan jóladag saman.
 
Eins og áður væri gott ef fólk sæi sér fært um að koma með köku, brauðrétti eða aðrar veitingar (samsvarandi fjölskyldustærð) á hið sameiginlega, flotta og sívinsæla hlaðborð.
Í boði verður heitt súkkulaði, djús og kaffi.

Sjáumst í dansandi jólaskapi.