Fundargerð 4. fundar hjá stjórn Íslendingafélagsins í Horsens, starfsárið 2007-2008. 

Mættir:  Inga Lóa, Inga Ósk, Rúnar, Kolbrún, Hilmar, Friðrik og Daníel.  Fundurinn var haldinn heima hjá Ingu Ósk.

Unglingaklúbburinn
Gunna og María dóttir hennar hafa samþykkt að halda utan um starfssemi unglingaklúbbsins með Kristínu Ölmu.  Þær komu báðar í stutta heimsókn á fundinn og kynntu sig?

Jólapakkar til Íslands
Komið er tilboð frá Eimskip um að flytja jólagjafir frá Horsens til Íslands í gám.  Tekið verður á móti jólapökkunum þann 3. desember og er það allrasíðasti dagur sem þessi þjónusta verður í boði frá Eimskip.  Hver og einn má senda 20 kíló og kostar það kr. 330. 
Rúnar ætlar að tala við Bjarne um að fá lánað eitthvert hús í Mosanum til að taka á móti pökkunum.

Kynningarbæklingur
Er tilbúin og búið að prenta hluta af honum.  Inga Lóa sér um að láta prenta restina af honum.  Kynningarbæklingurinn verður borin út í hús á fimmtudagskvöldið, ásamt gíróseðlum.  Mæting heima hjá Ingu Lóu síðdegis.

Önnur mál:
. Lísa er til í að vera með í skipulagningu á fjölskyldudeginum.  Stefnt er að því að vera með nokkrar stöðvar, armbeygjur, sippa og fleira.  Hver og einn fái svo spjald til að setja tímann sinn inn á í hverri þraut.  Kolla ætlar að redda latabæjardótinu fyrir litlu krakkana og sultunni fyrir vöfflukaffið.
. Varðandi þemaballið, þá mótmælir skemmtinefnd því að hafa þemað íþróttir.  Ekki íþróttaball fyrir konur eru skilaboðin sem skemmtinefndin senda.  Ákveðið var að fara að óskum skemmtinefnarinnar og hafa lummóball.  Frítt fyrir félgasmenn en 50 kr inn fyrir þá sem ekki eru í félaginu.
. Ekki hefur enn náðst í prestinn til að fá kirkjuna lánaða fyrir jólamessuna. Hilmar heldur áfram að reyna.
. Rætt um skötuna.  Búið er að fá kantínuna lánaða... við þurfum sjálf að redda gashellum.  Bjartur tilbúin að vera að vinna í veislunni og kostar það 600dkr.  Hann er líka tilbúin til að baka rúgbrauðið ef við sköffum hráefnið.  Varðandi skötuna sjálfa þá á Friðrik von á því að fá svar í fyrramálið með hana.  Hann ætlar líka að tala við Jónar Transport.  Reiknað er með að skatann sé tilbúin 10-15 des og hún má ekki koma hingað til Horsens seinna en 20. des.  Ákveðið var verð fyrir skötuveisluna, 80 kr fyrir skötu og saltfisk fyrir félagsmenn, 130 kr fyrir þá sem ekki eru í félaginu.  25 kr fyrir pylsur og gos, 40 kr fyrir þá sem ekki eru í félaginu.   Allt verður að borgast fyrirfram.  Hægt verður að greiða hjá Ingu Ósk í mosanum, Kristínu Ölmu í kollegie og Ingu Lóu í skólanum. 
. Rætt um jólasveina á aðfangadag.... þurfum að hafa það á bak við eyrað ef við vitum um einhverja til að taka það hlutverk að sér.
. Það er í lagi að fá lánaðan salinn í skólanum fyrir Pabbann.
. Rætt um hvort eigi að setja nýjan link á heimasíðuna sem heitir barnapíuhornið.
. Rætt um hvort möguleiki væri á íslensku bíó... Hilmar tók að sér að kanna það.
. Fyrirspurn frá þeim sem eru í körfuboltanum hvort megi kaupa fleiri bolta þar sem bara einn bolti er til.  Ákveðið að það megi kaupa 3 bolta í viðbót.

Næsti fundur verður þann 19. nóvember kl 20:00 heima hjá Ingu Lóu.
Kolbrún Jónsdóttir tók saman.

Næsti fundur verður þann 12. desember  kl 20:00 heima hjá Maríu, Engblommevej 53.
Kolbrún Jónsdóttir tók saman.

Stjórnarfundir starfsárið 2006-2007 (Ekki allir fundir til á tölvutæku formi)

Fundur IFH  24.1. 2007 

Mættir voru: Hilmar, Árni, Björgvin, Friðrik, Gunnhildur og Siggi.

1.  Þorrablót:
Búið að panta flugmiða fyrir hljómsveitina, 5 miðar, Breiðbandið 3 miðar og kokkur.  Verð á flugmiðum,  kr. 8337.   Styrkur Flugleiða, 6 miðar.
Hljómsveit og sk.stjórar koma sennilega með lest. Ath hvað hópmiðar kosta eða hvort borgar sig að taka rútu.

2. Maturinn:
Flutningur á matnum Ísland - Kaupmannahöfn. Tilboð hefur komið frá Ísl. Cargo.   40 þús kr. ísl.  Sennilega sækir Siggi matinn og  Ása kokk.

3. Rútan á blótið:
Østbirk rútufyrirtæki gaf tilboð.  Dk  7500  Ath fleiri fyrirtæki.

4. Hljóðfæri:
Verið er að vinna í því að finna fyrirtæki sem leigja græjur.

5. Gisting:
Gistiheimilið Edda getur bara tekið við 6, vantar því gistingu fyrir 3, Edda ætlar að ath aðra gistingu. Ási kokkur gistir hjá Sigga.

6. Lambakjöt:
Ath hvort við getum keypt Ísl.lambalæri hér í Dk.

7. Þorrablót í Odinsvé:
Stjórn o.fl. fara til Odinsvé 10. feb. og vinna á þeirra blóti,  þeir koma svo til okkar að vinna 17. feb. Þeir sem fara eru: Siggi, Vallý, Árni,
Friðrik, Björgvin, Gunnhildur og Þröstur. Vantar 2-3

Næsti fundur 31.1. kl. 16. í kantínunni

Mættir voru: Hilmar, Árni, Björgvin, Friðrik, Gunnhildur og Siggi.

1. Festilavn / Öskudagsskemmtun.
Ath hvort Vestby skólinn er laus 24 eða 25 febrúar.

2. Þorrablót: 
Miðasalan gengur vel - um 90 miðar pantaðir á netinu.   

3. Gisting:
Hljómsveitin gistir bara laugardagskvöld en Breiðbandið föstudags og laugardagskvöld.   

4. Matur:
Lambalærin verða keypt í Herning, 65 kr. kg. Pylsur og meðlæti (nætursnarl) keypt hér.

5. Hljóðfærin:
Erfitt virðist að fá leigð hljóðfæri, nema ef um stórtónleika er að ræða, þ.a.l. mjög dýr pakki.

6. Skreytingar:
Skemmtinefndin sér um þær og fær aðstoð frá góðum og fjölhæfum konum.

Næsti fundur 7. 2. hjá Árna.

Mættir voru: Hilmar, Árni, Björgvin, Friðrik og Gunnhildur.

1. Uppgjör síðustu atburða: 
Kostnaður við; jólamessu, 500 kr,  skötuveislu, 1600 kr hagnaður,  jólaball, 1500 kr kostnapður. brenna 308 kr kostnaður

2. Öskudagsskemmtun:
Sunnudagurinn 25.feb. í Vestbyskólanum kl. 15-17.
Skemmtinefndin sér um að kaupa tunnur, nammi, kaffi, gos o. fl. og að skreyta salinn. Kaffihlaðborð verður og sjoppan.

3.   Þorrablót:
Búið er að panta 138 miða. Húsið opnar kl.19.  Ferðir með rútu frá skólanum kl.18.30 og frá mosanum kl.18.45. Heimferðir kl 01.30 og 03
Ballið byrjar kl. 23.30. Gisting: 6 gista hjá Eddu, verðum að finna aðra gistingu fyrir 2. Ferðir frá Köben: Breiðbandið tekur lest á föstudag, ? hvort hljómsveitin  taki bílaleigubíl. Ath með leigu á ofni og hellum fyrir matinn.
10 manns tilbúnir að fara til Odinsvé og vinna á þorrablótinu; Siggi, Vallý, Árni, Friðrik, Björgvin, Gunnhildur, Þröstur, Rúnar, Linda og Kristján.
Lagt verður af stað kl. 16 laugardag 10. feb. og komið til baka kl. 05 aðfararnótt sunnudags.

Næsti fundur 12.2. hjá Björgvin.
                  

Stjórnarfundur IFH  05.01.2007 kl 20:00
Mættir eru : Hilmar - Gunnhildur - Dagbjört - Árni - Siggi og  Friðrik , (Björgvin-veikur)

Málefni eru rituð eftir þeirri röð sem að voru tekin fyrir.

1. Fundargerð síðasta fundar lesin yfir og aths.stjórnarmeðlima laggðar fram. Fundargerð sett inn á síðu eftir leiðréttingar.
 
2. Fyrirspurnum til stjórnar sem að liggja fyrir á vefsíðunni svarað.
Engar fyirirspurnir voru að þessu sinni og því engu að svara.

3. Uppgjör frá skötuvieslu:
Ekki eru allir reikningar komnir í hús og verður því vonandi hægt að klára það á næsta fundi.

4. Uppgjör frá Jólaballi.
Verið er að vinna í því að gera það upp - og munu tölur liggja fyrir á nærsta fundi. 

5. Uppgjör af áramótabrennu.:
Beinn kostnaður er 308 dkk sem að olían kostaði.
.
6. Barnastyrkur frá Kommúninni:
Skila þarf afriti af  barnalista allra félagsmanna IFH ásamt fæðingardegi þeirra og flokka þau niður eftir aldurshópum. Listi með "activities" sem að IFH hefur haldið fyrir börnin sl. ár þarf einnig að fylgja með og taka þarf fram hversu mörg börn mættu í hvert skipti. Ritari mun sjá um að klára barnalisann og  formaður um að skrá niður alla liði, hversu margir mættu í hvert skipti og skila þessu inn til Kommúnunar í Horsens fyrir 31.jan nk.

7. Þorrablót.
Komið er í ljós að við verðum með 9 manns á okkar vegum til að sjá um Þorrablótið. Þ.e 6 manna hjómsveit , 3ja manna skemmtanalið og 1 kokk. Kokkurinn verður hýstur í heimahúsi og þurfum við því að redda rest eða 9 manns í gistinu. Edda (gistiheimilinu) ætlar að hýsa 6 manns og ætlar að aðstoða okkur við að finna gistingu fyrir hina 3.
Miðagerð: Icelandair verður með LOGO á Þorrablótsmiðunum sem að seldir verða í ár.
Miðasala: Forsala miða hefst 10jan og sendur til og mað 5 feb. Forsala er aðeins fyrir félagsmenn IFH . Ekki forsala hefst 6 feb og stendur í 10 daga eða til 16 feb. Ath þar með vinninga fyrir happadrættið. Friðrik ætlar að tala við Magasín og Dagbjört við Express og Icelandair. Björgvin ætlar að sja um að panta rútu fyrir gestina og laga akstursrútínuna með þeim.

8.Unglingaklúbbur.
Unglingaklúbburinn ætlar að halda ball á Onsdagsbarnum þann 10 jan nk. Siggi og Vallý ætla að sjá um að leigja barinn á sínu leifi eins og síðast.

Fundi slitið kl 22:40.

Næsti fundur verður haldinn 19.01.2007 kl 16:00 í Kantínunni í skólanum.

Stjórnarfundur IFH  12.12.2006 kl 20:00
Mættir eru : Björgvin - Hilmar - Gunnhildur - Dagbjört - Árni - Siggi og  Friðrik.

Málefni eru rituð eftir þeirri röð sem að voru tekin fyrir.

1.Fundargerð síðasta fundar lesin yfir og aths.stjórnarmeðlima laggðar fram. Fundargerð sett inn á síðu eftir leiðréttingar.
 
2. Fyrirspurnum til stjórnar sem að liggja fyrir á vefsíunni svarað.
hverspyr: Valþór Brynjarsson
Netfang: veikur@hotmail.com
spurning: Sæl Er að bregðast við ósk ykkar um að fá hjálp eða ábendigar um atburði Þá er ég að sjálfsögðu reiðubúinn að hjálpa til við það en þá vantar mig kannski uppls. um forsendur þ.e.a.s hvernig vill stjórnin standa að þessu og hvað má þetta kosta og þess háttar praktískar uppl. svo maður segi ekki eitthvað við einhvern sem svo ekki er framkvæmalegt Kveðja Valþór P.S keep up good works.

hverspyr: gunnar asg.
Netfang: gunnijod@btnet.is
spurning: Af hverju er ekki hægt að halda svona trubbakvöld a skolabarnum td. þa fæst innkoma fyrir selda drykki og ef þið talið við islenskann trubador vill hann alltaf eitthvað fyrir sinn snuð og oft erþað þa aðgangseyrir en i þessu tilfelli finnst mer sanngjarnt að borga flugmiða og uppihald þar sem aðgangseyrir er engin eða að rukka kansk 50kr inn a barinn en það er fraleytt að borga undir fleiri en einn mann þar sem bara annar þeirra spilar. eg get lika frætt ykkur a þvi að landsþekktir menn i þessum bransa eru mjög dyrir og a þvi verði að felagið mun ekki raða við það en eg þekki nokkra sem væru pottþett til i að koma fyrir þessi byti og mjög auðvelt er að semja við. : Arni þor guðjonsson sem er stofnandi og fyrrverandi gitarleikari lands og sona. Hreimur örn Heimisson söngvara lands og sona, Halldor Geir Jensson blusfrömuður. Þorsteinn Darri sigurgeirsson blusfrömuður og Þor Oskar fitzgerlad ! sem hefur unnið trubadora kppni islands 3 ar i röð og hefur spilað með storum erlendum gruppum. Hafsteinn Mar haugsen.......þetta eru allt menn sem eg get haft samband við og kannað hvernig jarvegurinn liggur ef fyrir þvi er ahugi hja ykkur nefndarfolkki og eg tel að þetta seu allt menn sem hægt se að semja auðveldlega við, ekki kannski stærstu nöfnin en samt með þeim betri i bransanum....kv: gunni asg-s:26537396
Svar stjórnar  til Valþórs og Gunnars: Stjórn hefur í hyggju að aðstoða listamenn með því að liðka fyrir heimsóknir þeirra til okkar með þeim hætti að aðstoða þá við leit að húsnæði fyrir viðburðinn - gistingu fyrir listamanninn-og ath með hljóðfæraleigu ef að þess er þörf á. Félagið hefur ekki í hyggju að leggja út beinann kostnað vegna atburðarins. Heldur þó að listamaðurinn taki til sín aðgangseyri sem að greiddur væri inná atburðinn.

hverspyr: Jón Eyjólfsson, Bjarni Rúnar Einarsson, Kristján Kristjánsson
Netfang: joney@pc.dk, snus81@hotmail.com, kristjanheidar@hotmail.com
spurning: Kæra stjórn, Inn á heimasíðu Íslendingafélagsins má finna lögin sem félagið starfar eftir. Þau lög voru endurskoðuð á aðalfundi í september 2006. En þessi lög voru birt á heimsíðunni fyrir nokkrum vikum. Í 15. gr. núverandi laga (9.12.2006, www.ifhorsens.dk) kemur fram að: Þeir stjórnarmeðlimir og makar þeirra að ávallt sitja fundi eru undanskildir félagsgjöldum ásamt vefsíðustjóra -og formanni skemmtinefndar. Einnig eru sjoppustjórar undanskildir félagsgjöldum fyrir vinnu sína ásamt þeim sem að láta af rafmagn fyrir 17 júní hátið og ratleik í mosanum. Það vekur undrun okkar að þessi grein var ekki svohljóðandi síðast þegar við lásum lögin og ekki munum við eftir því að þessi lagabreyting hafi verið samþykkt á síðasta aðalfundi. En þá hljóðaði þessi svokallaða lagagrein þannig að: Stjórnarmenn eru undanþegnir félagsgjöldum. Við þurfum varla að minna stjórnarmeðlimi á að lagabreyting getur aðeins orðið á aðalfundi félagsins og með kosningu félagsmanna. Því langar okkur til að vita hvers vegna þessi breyting á 15. gr. hefur náð fram að ganga og á hvaða forsendum? Virðingafyllst, Jón Eyjólfsson Bjarni Rúnar Einarsson Kristján Kristjánsson
Svar stjórnar til Jóns Eyjólfssonar -Bjarna Rúnars  og Kristjáns Kristjánssonar: Við viljum byrja á þvi að þakka fyrir ábendinguna og það er ánægjulegt að sjá að fólk les reglulega jafnt og þétt  vefsíðu félagsins og lög þess. En þar sem að þetta hefur hingað til viðgengist sl ár að viðkomandi aðilar - þ.e sjoppustjórar (fyrir alla þá vinnu sem að þau leggja fram við sitt verkefni án nokkurrar greiðslu) og það fólk sem að hefur skaffað okkur rafmagn sem að  við þurfum á að halda við þær skemmtanir sem að við höldum nálægt þeirra húsakynnum án endurgjalds að þessir viðkomandi aðilar þurfi ekki að greiða félagsgjöld IFH. Stjórn yfirsást að leggja þetta fram á sl aðalfundi til samþ. en mun hér með taka þetta út úr lögum og sjá þá til þess að þetta verði þ.a.l tekið fram á næsta aðalfundi til samþykktar félagsmanna.

3. Menningarnefnd.
Vegna umtalsverða áskorana hvað varðar að halda menningarlega atburði innan félagsins hefur  stjórn IFH ákveðið að auglýsa eftir fólki sem að vill bjóða sig fram til nefndar sem að mun  alfarið sjá um slík athæfi. Og verður það auglýst á síðu félagsins á næstu dögum.

4. Messa í Handsted kirkju.
 Hin árlega jólamessa verður haldinn sunnudaginn 17.des nk í Handstedkirkju. IFH greiðir 300dkk  fyrir samkomuhúsið þar sem að kaffið er haldið eftir messuna. Gestir koma með bakkelsi og IFH sér um að útvega gos, kaffi og mjólk.

5. Sjoppan
Í ljósi þess að Ekran, okkar viðskiptaaðili hefur misst útflutningsleyfið þurfum við framvegis að panta nammi hja hverjum aðila fyrir sig (Nóa- Linda- Góa-Freyju) og sjá um að koma því til okkar. Verið er að vinna í lausnum á þessu máli. En búið er að panta jólasendinguna og er hún áætluð til DK þann 15.des.

6.Skatan.
Skötuveislan verður haldinn á Skólabarnum þann 23. des kl 12:00. Pottar og eldhúsáhöld verða fengin lánuð frá Vitus Bering kantínunni. Ath þarf með leigu á gashellum frá Festgarden til að elda skötuna. Koma þarf með hátíðartjaldið okkar og stilla því upp fyrir utan barinn og elda skötuna þar - borðað verður innandyra. Ath þarf með pylsubrauð og fá þau í "eðlilegum" stærðum. Ath með sérpantanir á þvi. Og leita í örðum búðum - Dönsku brauðin eru of litil fyrir S.S pylsur.

7. Jólapakkaútkeyrsla
Þann 24.des nk munu Jólaveinar keyra út jólapakka til Íslensku barnanna hérna í Horsens. Mæta á með pakkana á Ranukalvej 60 milli kl. 10-11 þann 24.des. Aðeins einn hefur boðið sig fram í jólasveinaembættið í þetta sinn en okkur vantar einn til viðbótar.

8.Jólaball
Jólaballið verður haldið þann 26.des í Vestbyskólanum.Og byrjar það kl 14:00. Aðeins hefur einn maður enn fengist í verkefni jólasveins -  ath þarf með kaup á betra skeggi fyrir þá,  þar sem að gömlu skeggin eru orðin frekar döpur, 1stk skegg kostar 600dkk. Gestir koma með veitingar og IFH skaffar kaffi og gos.

9. Áramótabrenna.
Varðandi áramótabrennu sem að haldinn er í Mosanum á Gamlárs þarf að ath með leyfi fyrir brennunni og ath með brennustjóra. Helst 2. Kaupa þarf brúsa og olíu og kostar það 700dkk.

10.Þorrablót.
Veislustjóri er fundinn en það mun vera Rúnar í Breiðbandinu og 2 félagar hans munu sjá um að halda utan um skemmtiatr. og annað slíkt. Dans á rósum mun spila fyrir dansi. Ath þarf með innflutning á mat þar sem að Sendiráð Íslands í Kaupmannahöfn hefur ekki í hyggju að aðstoða okkur í þetta skiptið. Vefsíður bandanna eru :  www.dansarosum.com.www.breidbandid.com .
Verð á Þorrabökkum (Togum) er ekki enn komið til okkar en vonast er til að tilboð verði komið í hús fyrir nærsta fund.

11. Fundargerðir.
Ákveðið var að allar fundargerðir skuli vera ritaðar eftir hvern fund fyrir sig. Þá sendar á alla stjórnarmeðlimi til yfirferðar til aths (ef einhverjar) og síðan færðar inn á síðu félagsins eftir nærsta fund þar á eftir.

12. Önnur mál.
Jólastund var haldin í Vestby skólanum þann 3ja des. sl. Frá kl 11-13.
Föndraðar voru og málaðar pipakökur undir leik Íslenskrar Jólamusíkar. Boðið var uppá heitt súkkulaði og jólasmákökur Góður rómur var gerður af þessari jólastund - en þangað mættu um 70.manns.

Fundi slitið kl 23:00.

Stjórnarfundur  28.11.2006 kl 20:00
Mættir eru : Björgvin - Hilmar - Gunnhildur - Dagbjört - Árni - Siggi og  Friðrik.

Málefni eru rituð eftir þeirri röð sem þau voru tekin fyrir.

1. Berglind segir sig úr stjórn.
Berglind Levisdóttir gjaldkeri félagsins hefur ákveðið að láta af störfum sem gjaldkeri og birgðarstjóri  IFH og skrifar okkur bréf  þess efnis og gefur þar greinagóða ástæðu. Hver tekur við? Varamaður stjórnar Einar Birgisson gaf ekki kost á sér í starfið og var þvi skorað á Friðrik Árnason  vefsíðustjóra að taka við gjaldkera hlutanum sem að og hann gerði og Björgvin Pétursson við birgðavörslu  þ.e  pöntunum í sjoppuna og öllu því sem að ber að panta og versla inn fyrir IFH (skemmtanir og þ.h) og varð hann einnig við því.

2.  Jóladagskrá.
Piparkökubakstur verður haldinn í Vestby skólanum á laugardaginn. Allir eru velkomnir í anda jólanna - IFH skaffar piparkökur og málningu.

3 Skata.
Lokið er við skráningar í skötuna og hafa um 50 fullorðnir skráð sig og einnig slatti af börnum í pylsur. Húsnæði er fundið og verður veislan haldin í Hatting forsaml.husinu (þar sem að síðasta þorrablót var haldið) og er kostnaður við leigu á þvi húsnæði 1900dkk. Amk 5 sjálfboðaliða þarf til að vinna þar - og bauð hluti stjórnar sig fram í það ásamt mökum. Panta þarf saltfisk og skötu. Pulsur/pylsur eru til.

4.Jólapakkar til Íslands
Íris frá Eimskip ætlar að koma til okkar 7. des og sækja jólapakkana sem að senda á til íslands - við höfum fengið lánað hús í Mosanum til að hýsa pakkavinnsluna eins og svo oft áður og þessi jólin er það að Ranunkelvej 60. 2 stjórnarmeðlimir buðu sig fram til að vera þar og aðstoða Írisi við herlegheitin. Tekið veðrur á móti pökkum á milli kl 17-18.

5.Pöntun á nammi frá Íslandi.
Verið er að ath með betri samniga við innflutning á nammi að heiman. Ekran hefur hingað til verið okkar samningsaðili en okkur langar að ath hvort að hægt sé að fara aðrar/ódýrari leiðir.
Kemur í ljós á næsta fundi hvað gerist - verið er að vinna í málinu og er stjórnarmaður að ath samninga við skipafélög og annað slíkt þess efnis.

6.Barkvöld.
Oft hefur komið upp sú hugmynd að hafa barkvöld/spilavköld. Og þá það sem fastan lið í hverjum mánuði. Verið er að ath með gamla skólabarinn í Vitus Bering (kjallaranum í A-blokkinni) og fá hann þá leigðan t.d fyrsta fimmudag í hverjum mánuði og e.t.v þá líka til að hýsa unglingaklúbbinn okkar þegar að þau koma saman.

7. Þorrablót
Næsta þorrablót veðrður haldið þann 17.feb nk í Orestad multicenter. 17 feb var ákveðinn á næsta stjónarfundi þessa árs en einhver umræða hefur verið að flytja það á 3 feb en hjómsveitin okkar kemst ekki þann dag og ekki fannst húsnæði þann dag heldur. Svo að 17. feb verður dagurinn og byrjar blótið kl 20:00. Hjómsveitin Dans á Rósum mun spila fyrir dansi. www.dansarosum.com Skemmtanastjórar verða ?? en það er í vinnslu þar sem að lokasvar hefur ekki borist en það kemur í ljós á næsta fundi. Salurinn tekur 250 manns í sæti. Maturinn kemur frá Matarlyst í Keflavík eins og síðast og vonumst við til að fá sama kokkinn aftur. Starfmenn koma frá Odense eins og áður hefur tíðkast í skiptivinnu við stjórn IFH (en stjórn IFH mun fara til Odense og vinna á þeirra blóti þann10 feb). Forsala á miðum mun hefjast 12.jan og mun standa til og með 5 feb. En miðastölu á Þorrablótið lýkur 16 feb. Verð á Þorrablót mun vera það sama og í fyrra en það er : Í  forsölu 350 dkk fyrir félagsmenn og  450dkk fyrir utanfélaga. Eftir að forsölu lýkur er verðið 400 dkk fyrir félagsmenn og 500 fyrir utanfélagsmenn. Selt er inná ballið og mun kosta 150 dkk. Rúta fer á þorrablótið frá Horsens og verða stað og tímasetningar ákveðnar þegar að nær dregur. Einnig fara rútur til baka til Horsens. Ekkert gjald er í rútuna.

8. Smíði á Þorrabökkum (Trogum).
Hingað til höfum við alltaf fengið Trogin sem að notuð eru á Þorrablótinu lánuð frá Íslendingafélaginu í Odense. En nú kom upp sú tillaga að ath með verð á slíku (að við myndum eignast slíka bakka til framtíðar).  Fenginn var stjórnarmaður til að ath málið og sjá hver kostnaðurinn yrði. Þetta yrði þá í eigu IFH og getur verið notað á nk þorrablót. Vonandi kemur svar um það á nærsta fundi.

Fundi slitið kl 23:00.

Næsti fundur verður haldinn 12.12.2006 kl 20:00.